* نەوژین
درەنگانی شەوی رابردو، لە کۆمەڵگەی دومیزی سەر بە قەزای سیمێل، کچێک لەلایەن برایەکیەوە کوژرا؛ پۆلیس دەڵێت: تۆمەتبار بەپێی ماددەی ٤٠٦ دەستگیرکراوە.
پۆلیسی دهۆک بڵاویکردوەتەوە: کاتژمێر (٢:٢٠)ـی شەوی رابردو، لە کۆمەڵگەی دومیز سەر بە قەزای سێمێل لە پارێزگای دهۆک، برایەک لەنێو ئۆتۆمبێلەکەی بە چەکی جۆری دەمانچە خوشکەکەی کوشت کە تەمەنی ٢٨ ساڵ بوە.
پۆلیس دەشڵێت: دەستبەجێ دوای روداوەکە، دەستمان بە لێکۆڵینەوە کرد و بەیانی ئەمڕۆ تۆمەتبارمان دەستگیرکرد کە خۆی شاردبوەوە.
رونیشیکردوەتەوە: تۆمەتبار لە لێکۆڵینەوە سەرەتاییەکان دانی بەتاوانەکەیدا ناوە و لە ئێستادا بەپێی ماددەی ٤٠٦ لە یاسای سزادانی عێراقی کە تایبەت بە کوشتنی بە ئەنقەست و پلان بۆ داڕێژراوە، راگیراوە و لێکۆڵینەوە لەگەڵی بەردەوام دەبێت.
نوێترین
زۆرترین بینراوەکان
