کوردستان یاسین: دەمەوێت لە رێگەی کارەکەمەوە ژینگەی وڵاتەکەم بپارێزم

2021/09/23    665 جار بینراوە
 
* نەوژین -  سروە حەمە ئەمین
 
ماوەی سێ ساڵە دەستی بەدروستکردنی تورەکەو جانتای خامکردوە، ئەو دەیەوێت لەو رێگەیەوە بەکارهێنانی نایلۆن کەمبکرێتەوە و دەڵێت: ”دەمەوێت هەم ژینگەی وڵاتەکەم بپارێزم و هەمیش سودم بۆ خۆم و خەڵکیش هەبێت“
 
کوردستان یاسین، تەمەن ٢٧ساڵ دانیشتوی شاری ھەڵەبجەیە، دەرچوی کۆلێژی زانستی بەشی کۆمپیتەرە لە زانکۆی سلێمانی، ئەو بۆ نەوژین دەڵێت: ھەڵبژاردنی ئەم پیشەیە بیرۆکەی خۆم بو، ھیچ خولێکم نەدیوە لە رێگەی ئینتەرنێتەوە فێری ئەم پیشەیە بوم، بۆیە ئەم ئیشەم هەلبژارد چونکە ویستم شتێک بکەم بۆشاییەک پڕکەمەوە سودی خۆم و خەڵک و ژینگەشی تیابێت، هیوادارم لە کوردستانی بە کارهێنانی تورەکە لە بری نایلۆن ببێتە نەریت“.
 
 
تورەکەیەکی دەستکردی کودستان یاسین
 
” دەمەوێت لە داهاتودا 'مرواری' بکەم بە براندی ئیشەکەم“
 
تورەکەی خام بە دۆستی ژینگەیە دادەنرێت، زوشیدەبێتەوە و دەتوانی بۆ ماوەی چەندین ساڵ دوبارە بەکار بهێندرێتەوە بۆ پێداویستی رۆژانە.
 
کوردستان، لە ماڵەوە کارەکەی دەکات و بەشێوەی ئۆنلاین دەیگەیەنێت بە کڕیارەکانی دەڵێت: ”لە ئێستادا بەهۆی منداڵەکانمەوە نامەوێت لە ئەرکی دایکایەتی دورکەومەوە“. بەڵام لە پلانیدا لە داهاتودا مرواری ببێتە براندێکی تایبەت بە کارەکانی و ئیشەکەی فراوان بکات.
 
ئەو بەشێوەیەک دۆستایەتی ژینگەی لەلا گرنگە کە ئەگەر کەسێک نەتوانێت دەستی بگات بە بەرهەمەکانی خۆی بێ بەرامبەر دەیگەیەنێتە دەستی.
 

وێنەی بەشێک لە بەرهەمەکانی کوردستان یاسین.

 

 

 

 



ئەرشیفی نەوژین | دەربارە | پەیوەندی
Newjin.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 269,358     ژمارەی میوان 16