* نه‌وژین

 

بە گوێرەی ئامارەکانی ئەمساڵ لە هەرێمی کوردستان کوشتن و خۆسوتاندنی ژنان بەشێوەیەکی بەرچاو کەمیکردوە، هەروەک 75% توندوتیژیەکان بەهۆی تۆڕه‌ كۆمه‌ڵایه‌تیه‌كانه‌وه‌ بوە.

 

کوردۆ عومه‌ر، بەڕێوەبەرى گشتى بەرەنگاربونەوەى توندوتیژى دژى ئافرەتان و خێزان، لە رۆژى  جیهانى هەڵمەتى بەرەنگاربونەوەى  توندوتیژى دژی ژنان رایگەیاند: ئاستی توندوتیژیەکان لە هەرێمی کوردستان زۆر دابەزیوە بەبەراود بەساڵی رابردو، بەشێوەیەک لە ئاماری 10 مانگی ئەمساڵ بە بەراورد بە ساڵی رابردو حاڵەتەکانی کوشتنی ژنان 25% کەمیکردوە، خۆسوتاندن بە رێژەی 30% کەمیکردوە لەگەڵ کەمبونەوەی سەرجەم توندوتیژییە جەستەیەکان.

 

ئاماژەی بەوەشکرد: کەمتر ئاماری توندوتیژی سێکسی و دەرونی تۆمارکراوە، بەڵام بەهۆی کلتور و دابونه‌ریتی کۆمەڵگاوە ئەم توندوتیژیانە کپ دەکرێنەوە.

 

لەبارەی هۆکارەکانی توندوتیژیشەوە، وتی: بە پێی ئامار و توێژینەوەکانی ئێمە 75% بەهۆی تۆڕە کۆمەڵایەتیەکانەوە بوە بەپلەی یەک، بە پلەی دوش زۆربونی بەکارهێنانی چەکه‌.

 

هاوکات لە بارەی چارەسەرەکانیشەوە ئاماژەی بەوەکرد کەمپینەکانیان بەشێوەی جیاواز بەردەوامە و کار لەسەر بەرەوپێشبردنی کارەکانیان دەکەن.