لە ناحیەی شۆڕش فیستیڤاڵێک بەڕێوەدەچێت و (٦٠%)ـی کەپرەکانی بۆ ژنان تەرخانکراون

2024/01/18    491 جار بینراوە

 

* نەوژین

هەفتەی داهاتو فیستیڤاڵێک لە ناحیەی شۆڕش بەڕێوەدەچێت، سەرپەرشتیاری فیستیڤاڵەکەش دەڵێت؛ (٦٠%)ـی کەپرەکانمان بۆ ژنانی خاوەنکار تەرخانکردوە.

بڕیارە رۆژی (٢٥ـی ١ـی ٢٠٢٤) لە ناحیەی شۆڕش سەر بە پارێزگای سلێمانی، فیستیڤاڵێک تایبەت بە کاری دەستی و بەرهەمە خۆماڵیەکان بەڕێوەبچێت.

لەبارەیەوە هاوار وەهاب، سەرپەرشتیاری گشتی فیستیڤاڵەکە، بە نەوژینی وت: ئامانجمان لێی رەخساندنی هەلی کارە بۆ ئەو کەسانەی لە ناحیەکە و دەوروبەری خاوەنکارن یاخود دەستی کارکردنیان هەیە، هەروەک ئامانجی دیکەشمان بە کلتورکردنی بەکارهێنانی بەرهەمی خۆماڵی و کارەدەستیەکانە.

وتیشی: دەمانەوێت زۆرترین ژنی خاوەنکار لێی سودمەندبن، بەشێوەیەک (٦٠%)ـی کەپرەکانی فیستیڤاڵەکەمان تایبەتکردوە بە ژنان.

فیستیڤاڵەکە لەلایەن رێکخراوی رێژنە میدیاوە بەڕێوەدەبرێت و بڕیارە بۆ ماوەی ٥ رۆژ و تاوەکو (٣٠ـی کانونی دوەم) بەردەوامی هەبێت.
 



Newjin.net - 2024
ژمارەی سەردان 1,536,047     ژمارەی میوان 2003

دروستکراوە لەلایەن کۆمپانیای (کۆدتێك)ەوە