* نەوژین
ژنە دەرهێنەری ئیتاڵی: لیلیانا کاڤانی خەڵاتی شێری ئاڵتونیی پێشکەشکرا، بەمەش دەبێتە یەکەم ژنە لە مێژودا خەڵاتەکە بەدەستبێنێت.
لەرۆژی (٣٠ـی ئاب)ـەوە چالاکیەکانی هەشتایەمین فیستیڤاڵی نێودەوڵەتیی فیلمی ڤێنیس لە شاری ڤێنیسیای ئیتاڵیا دەستیپێکردوە و بڕیارە تاوەکو (٩ـی ئەیلول) بەرەدەوام بێت.
لەیەکەم چالاکی دا خەڵاتی شێری زێڕین بەخشرایە ژنە دەرهێنەری ئیتاڵی: لیلیانا کاڤانی، بەوەش لیلیانا بوە یەکەم ژن لەمێژو دا ئەو خەڵاتەی بەدەستهێنابێت.
لیلیانا، ٩٠ ساڵ، لە ماوەی شەش دەیەی رابردودا کاری دەرهێنانی بۆ چەندین فیلم کردوە و چەندین خەڵاتی جیهانیشی بەدەستهێناوە.
ئەو لە کاتی وەرگرتنی خەڵاتەکە دا، وتی: نوسەر و دەرهێنەرە ژنەکان وەک پیاوان کار دەکەن، دروست نییە دەرفەتی دەرکەوتنیان پێنەدرێت.
