ئافرەتانی هەولێر بون بە پاڵەوانی جامی فوتساڵی عێراق

2023/06/26    555 جار بینراوە


* نەوژین

ئافرەتانی هەولێر بۆ یەکەمجار بون بە پاڵەوانی جامی فوتساڵی عێراق، ئەوەش دوای بردنەوەیان لە یانەی قوەجەویە. 

ئێوارەی ئەمڕۆ (٢٦ـی حوزەیران)، یاری کۆتایی جامی عێراقی لەنێوان هەریەک لە یانەکانی (ئافرەتانی هەولێر و قوەجەویە) بەڕێوەچو، تێیدا ئافرەتانی هەولێر بە ئەنجامی (٤-٢) یاریەکەیان بردەوە و بون بە پاڵەوان. 

هاوکات کچە یاریزان دێرین مەحمود، یاریزانی یانەی ئافرەتانی هەولێر بە باشترین یاریزانی پاڵەوانیەتیەکە دیاریکرا.

جامی فوتساڵی عێراق بە بەشداری ١٠ یانە لە شاری دهۆک ئەنجامدرا، یانەی ئافرەتانی هەولێر تاکە یانەی کوردی بون تێیدا و بەبێ دۆڕان توانیان ببنە پاڵەوان.



Newjin.net - 2024
ژمارەی سەردان 1,472,340     ژمارەی میوان 490

دروستکراوە لەلایەن کۆمپانیای (کۆدتێك)ەوە