* نەوژین
پۆلیسی قەزای خەبات رایگەیاند: ئەو کوڕەمان دەستگیرکرد کە بوە هۆی خۆ سوتاندنی کچێک بەناوی 'مهران'.
مهران عەبدولکەریم، ١٧ ساڵ، کچێکی دانیشتوی ناحیەی رزگاری سەر بە قەزای خەبات بو، بەر لە ١٠ رۆژ دوای ئەوەی لەلایەن کوڕێکەوە هەڕەشەی بڵاوکردنەوەی وێنەکانی لێکرابو، خۆی سوتاند و دوای مانەوەی بۆ ماوەی ١٠ رۆژ لە نەخۆشخانە شەوی رابردو گیانی لەدەستدا.
لەبارەی روداوەکەوە کەمێک بەر لە ئێستا ئاسایشی قەزای خەبات رایگەیاند: ئەو کەسەمان دەستگیرکردوە بە هۆی هەڕەشەکانیەوە مهران خۆی سوتاندبو.
ئاشکرایشیکرد: تۆمەتبارەکە بەناوی (ع.م)ـە و دانیشتوی قەزای خەباتە.