* نەوژین
خانمە گۆرانیبێژ سەنا بەرزنجی، نوێترین گۆرانی بەناوی (هەر ئەو کچەم) بڵاوکردەوە.
بڵاوکردنەوەی ئەم بەرهەمە نوێیە دوای ساڵ و نیوێک لە بێدەنگی سەنا دێت، هاوکات وەکخۆی دەڵێت: یەکێکە لە تراکەکانی ئەلبومە نوێیەکەی.
لەبارەی گۆرانیەکەوە سەنا دەڵێت: ئەم تراکە بۆ هەمو کچان و ژنانێکە کە دوای سەختی کێشانێکی زۆر لەسەر پێی خۆیان دوبارە هەستاونەتەوە و ژیانێکی نوێیان دروستکردوە.
ئەم گۆرانیە نوێیەی لە تێکستی ژیار بەرزنجیە و هومەن ئەزما كاری ئەڕێنجمێنتی بۆ كردوە، ناسر حەیدەریش کاری دەرهێنانی بۆ ئەنجامداوە.
سەنا بەرزنجی، ساڵی ٢٠٠١ لە رۆژهەڵاتی کوردستان لەدایکبوە، سەرەتا بە وتنەوە و کەڤەرکردنی گۆرانیە فۆلکلۆریە کوردییەکان دەستی پێکرد و دواتر ئەلبومی ‘راز’ـی بڵاوکردەوە کە پێکهاتبو لە ١٢ تراک، جگە لەم ئەلبومەش خاوەنی چەندین بەرهەمی هونەری تایبەت بەخۆیەتی.
کلیک بکە بۆ بینینی گۆرانیەکە.