* نەوژین
لە سنوری قەزای شێخان لە فێرگەی (خنس) سەر بە پارێزگای دھۆك، (٨٧) كچی ئێزدی رزگاربوی دەستی داعش کۆتایان بە خولێكی مەشق و راھێنانی سەربازی هێنا، وەزارەتی پێشمەرگەش رایدەگەیەنێت لە فەرماندەیی ھێزەكانی شنگال دەبنە پێشمەرگە.
لیوا بابەكر فەقێ ئەحمەد، بەڕێوەبەری راگەیاندنی وەزارەتی پێشمەرگە رایگەیاند: (٨٧) كچی كوردی ئێزدی توانیان بە سەرکەوتوی مەشق و راهێنانەکانیان تەواوبکەن لە فێرگەی خنس، دوابەدوای ئەمەش لە فەرماندەیی ھێزەكانی شنگال دەبنە پێشمەرگە.
ئاماژەی بەوەشکرد: بەشێکیان ئەوانەن كە لە دەستی داعش رزگار كراون و ئەوانەی دیكەش خەڵكی شەنگالن، دەیانەوێت بەرگری لە خاكی خۆیان بكەن.
قەزای شێخان، پارێزگای دهۆک، مەراسیمی کۆتایی هێنان بە مەشقی سەربازی ٨٧ کچی ئێزیدی وێنە: فێرگەی خنس