* نەوژین
بەرپرسانی ژن لە پۆستەکانی وەزیر و بەرپرسی ئیداریی ژەمی یەکەمی ڤاکسینی کۆرۆنا وەردەگرن.
کوێستان محەمەد، وەزیری کاروباری کۆمەڵایەتی دوێنێ وەک یەکەم وەزیری ژن و دوەم وەزیر لە کابینەی نۆی حکومەتی هەرێم، ژەمی یەکەمی ڤاکسینی کۆڤێد نۆزدەی وەرگرت و رایگەیاند: ئەمڕۆ بەیانی ڤاکسینی کۆڕۆنام وەرگرت هیوام وایە هەمو لایەک سەلامەتبن.
کوێستان محەمەد، وەزیری کاروباری کۆمەڵایەتی، لە کاتی وەرگرتنی ژەمی یەکەمی ڤاکسینی کۆڤێد نۆزدە، وێنە: هەژماری کوێستان محەمەد
هاوکات ئەمڕۆ، نوخشە ناسح، قائیمقامی قەزای هەڵەبجە ڤاكسینی كۆرۆنای وەرگرت و چەند وێنەیەکی خۆشی لە کاتی وەرگرتنی ڤاکسینەکە لە هەژماری تایبەتی خۆی لە تۆڕی کۆمەڵایەتی فەیسبوک بڵاوکردەوە وتی: ”ئەمڕۆ ژەمی یەکەمەی ڤاکسینی کۆڤید نۆزدەم وەرگرت، لەبەرێوەبەرایەتی تەندروستی ھەڵەبجە“.
نوخشە ناسیح، قایمقامی قەزای هەڵەبجە، لەکاتی وەرگرتنی ژەمی یەکەمی ڤاکسینی کۆڤێد نۆزدە، وێنە: هەژماری نوخشە ناسیح
نزیکەی مانگێک دەبێت چەند جۆرێکی ڤاکسین هاتونەتە ناوەندە تەندروستیەکان لە ناوەندی شار وقەزاو ناحیەکان، بەڵام هاوڵاتیان گومانیان لە بەکارهێنانیان هەیە و لە تۆڕەکۆمەڵایەتیەکانەوە داوادەکەن بەرپرسان دەبێت لە پێشچاوی ئەوان خۆیان بکوتن بۆ ئەوەی ئەمانیش دڵنیا ببنەوە لە بەکارهێنانی.