ئەو ژنەی ٧ ساڵە لە خەمی ئاوارەکانە بە کۆرۆنا ماڵئاوای کرد

2021/04/03    83 جار بینراوە
 
* نەوژین
 
خانمە چالاکوان نەمام غەفوری، لە تەمەنی ٥٣ ساڵی بەهۆی توشبونی بە ڤایرۆسی کۆرۆنا لە وڵاتی سوید کۆچی دوایکرد، ماوەی ٧ ساڵ بو لە وڵاتی ‏سویدەوە گەڕابوەوە کوردستان و خزمەتی پەنابەرانی رۆژئاوا و کوردانی ئێزدی دەکرد‎.‎
 
نه‌مام مه‌حمودئاغا غه‌فوری،  لە ساڵی (١٩٦٨) لە شاری کۆیە لە باشوری کوردستان لە دایک بوە، پزیشكی نه‌خۆشییه‌كانی دڵ و چالاكوانە، ئەو كاته‌ی ‏داعش په‌لاماری هه‌رێمی كوردستانی دا و شنگالی داگیركرد بۆ پشتیوانی خه‌ڵكی شنگال و پەنابەران رێكخراوێکی به‌ هاوكاری پزیشكانی كورد له‌ سوید و ‏چالاكوانانی مه‌ده‌نی دامه‌زراند  بەناوی '‏Joint help for Kurdistan‏' له‌ هه‌رێمی كوردستان وڵاتی سوید و ئه‌مه‌ریكا تۆمار كراوه‌‏‎.‎
 
 
نەمام غەفەری، لەگەڵ چەند کچێکی ئاوارە، وێنە: هەژماری تایبەتی نەمام غەفوری
 
بۆ ئەمەش نه‌مام غه‌فوری گه‌ڕایه‌وه‌ كوردستان و له‌ نزیكه‌وه‌ ده‌ستیكرد به‌ چاره‌سه‌ركردن و گه‌یاندنی هاوكاری مرۆیی و ته‌ندروستیی بۆ ئاواره‌ ‏ئێزدییه‌كان، به‌ تایبه‌تی منداڵان و ژنانی كه‌مپه‌كان،   ‏ژیانی بۆ خزمه‌تكردنی ئه‌وان ته‌رخان کرد له‌ چوارچێوه‌ی پڕۆژه‌ی رێكخراوه‌كه‌ی له‌ بواره‌كانی ته‌ندروستی، مافی ژنان، په‌روه‌رده‌، ‏بڵاوكردنه‌وه‌ی هۆشیاری.
 
دوای توشبونی بە ڤایرۆسی کۆرۆنا (١/٤/٢٠٢١) له‌ نه‌خۆشخانه‌یه‌كی ستۆكهۆڵمی پایته‌ختی سوید كۆچی دوایی كرد.‏
 
 
نەمام غەفەری، لەگەڵ چەند کچێکی ئاوارە، وێنە: هەژماری تایبەتی نەمام غەفوری
 
 
 


ئەرشیفی نەوژین | دەربارە | پەیوەندی
Newjin.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 89,780     ژمارەی میوان 34