هەڵەبجە: ئەنجومەنی باڵای خانمان ٦ ژن خەڵات دەکات ‏

2021/03/16    372 جار بینراوە
 
*نەوژین
 
 
شەش خانمی سەرکەوتو و بەهرەمەند لە پارێزگای هەڵەبجە، لە مەرسیمێکدا لەلایەن ئەنجومەنی باڵای کاروباری ‏خانمان خەڵاتکران.‏
 
 
د. خانزاد ئەحمەد، ئەمینداری گشتی ئەنجومەنی باڵای کاروباری خانمان لە مەراسیمەکەدا رایگەیاند: لە هەمو ‏بوارەکان  هەوڵ بۆ بەهێزکردنی رۆل و پێگەی ژنان دەدەین، هەوڵدان و کارکردن بۆ هۆشیارکردنەوەی ئافرەتی ‏کوردستان و هاندانیان بۆ سەربەخۆبون و پشبەستن بە کاری خۆیان لە کەرتی تایبەت وایان لێدەکات زیاتر ‏سەربەخۆ بن و بەشدارییەکی کاراش بکەن لە گەشەسەندنی ئابوری وڵاتدا‎.‎
 
 
پارێزگای هەڵەبجە یەکێکە لەو پارێزگایانەی ژنان  تێیدا پێشەنگن لە زۆربەی بوارەکانی کارو رۆڵگێرانی حکومی، ‏لەو سۆنگەیەشەوە  خەڵاتی رێزلێنان بەخشرایە  (٦)ژن.‏
 
 
‏ پێوەری هەڵبژاردنەکەش لەسەر کاریگەری کارەکانیانە لەناو کۆمەڵگە و پشت بە خۆبەستن لە کاردا.‏
 
 
ئەو خانمانەی خەڵاتکران پێکهاتبون لە (نەخشین نامیق، حەمیدە جه‌مال، رەنگین سەلام، نسار والی،چنور مه‌حمود، ‏هەتاو كه‌ریم).‏
 

 

 

 

 

 

 

 



ئەرشیفی نەوژین | دەربارە | پەیوەندی
Newjin.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 314,329     ژمارەی میوان 34