ژنان لە ئۆسکاری ٢٠٢٤ براوەی چەندین خەڵاتبون

2024/03/11    265 جار بینراوە

 

* نەوژین

لە مەراسیمی ئۆسکاری ئەمساڵ ژنان خەڵاتەکانی باشترین گۆرانی رەسەن، سیناریۆی رەسەن و باشترین فیلم ئیدیتینگیان بەدەستهێنا.

بەرەبەیانی ئەمڕۆ دوشەممە، لە هۆڵی دۆلبی هۆڵیود لە شاری لۆس ئەنجلس ٩٦ـەمین رێوڕەسمی دابەشکردنی خەڵاتەکانی ئۆسکار بۆ ساڵی ٢٠٢٤ بەڕێوەچو.

گۆرانی (What Was I Made For)ـی خانمە هونەرمەند: بێڵی ئێڵش، کە تایبەت بە فیلمی باربی بو، بە باشترین 'گۆرانیی رەسەن' دیاریکرا و خەڵاتی ئۆسکاری پێبەخشرا، بەوەش بێڵی تەمەن ٢٢ ساڵ، بوە گەنجترین هونەرمەند کە دو خەڵاتی ئۆسکاری بەدەستهێنابێت. 
 
هاوکات خانمە ئەکتەر و پرۆدیوسەری ئەمریکی: ئێما ستۆن، ئەکتەری سەرەکیی فیلمی (پور سینگس) بە باشترین ئەکتەری سەرەکیی ژن دیاریکرا و خەڵاتی ئۆسکاری وەرگرت. 

خەڵاتی باشترین ئەکتەری پاڵپشتیکاری ژنیش بە داڤین جۆی، ئەکتەر لە فیلمی زە هۆڵد ئۆڤە بەخشرا. 

خەڵاتی باشترین فیلم ئیدیتینگ هەر بۆ ژنان بو و خەڵاتەکە بە جینێفەر لەیم، بۆ ئۆپنهایمەر بەخشرا.

هەروەها خەڵاتی باشترین سیناریۆی رەسەن، بەهاوبەشی بەخشرا بە جەستن تریت و ئارسەر هەراری بۆ فیلمی "Anatomy of a Fal".
 



Newjin.net - 2024
ژمارەی سەردان 1,535,980     ژمارەی میوان 1976

دروستکراوە لەلایەن کۆمپانیای (کۆدتێك)ەوە