رانیە: تەرمی ژنێک بە هەڵواسراوی لە ماڵەکەی خۆیدا دۆزرایەوە
2021/10/14
547 جار بینراوە
* نەوژین
لە قەزای رانیە تەرمی ژنێک بە هەڵواسراوی دۆزرایەوە پۆلیسی راپەڕین دەڵێت: "لێکۆڵینەوەمان دەستپێکردوەو کەس و کارەکەی دەڵێن تاوانەکە خۆکوژیە".
بەڕێوبەرایەتی پۆلیسی راپەڕین راگەیاندراوێکی لەسەر تاوانەکە بڵاوکردەو راگەیاند: ئێوارەی ئەمڕۆ تەرمی ئافرەتێك بەناوی ( د، ٲ، م ) لە دایکبوی ساڵی (۲۰۰۱) پیشە ژنی ماڵ دانیشتوی گەڕەکی راپەڕین لە قەزای رانیە گەیەندرایە نەخۆشخانەی گشتی قەزاکە.
پۆلیسی ئیدارەی راپەڕین ئاماژە بەوەدەکات: ئاسەواری پەت بەملیەوە بوە، بە وتەی کەس و کاری ناوبراو لەماڵی خۆیان بە پەت خۆی هەڵواسیوە بەو هۆیەوە گیانی لەدەستداوە.
پۆلیس پەڕاوی لێکۆڵینەوەی بۆ تاوانەکە کردەوەتەوەو دەستیان بە کۆکردنەوەی زانیاری کردوە بۆ هۆکاری پشت تاوانەکە.
|