بۆچی لە بارچونی یەک لەدوای یەک رودەدات؟

2021/06/24    350 جار بینراوە
 
* نەوژین
 
لەبارچونی یەک لە دواییەک یەکێکە لە کێشە باوەکانی دوگیانی کە بە ٣ لەبارچونی یەک بە دوای یەک پێناسە دەکرێت و بە رێژەی(٣٪)ە  رودەدات، پسپۆڕێکی نەخۆشیەکانی ژنان تێکچونی هۆرمۆنەکان و نەخۆشیەکانی بەرگری بە هۆکاری ئەم حاڵەتە دەزانێت.
 
دکتۆر هودا محێدین، راوێژکاری ژنان و منداڵ بون رایدەگەیەنێت ئەم کێشەیە بەهۆی هۆکاری جیاوازەوەیە کە پەیوەندی بە کۆرپەلە و دایکەوە هەیە  وە یان هەر دوکیان.
 
سەبارەت بە هۆکارەکانی پەیوەست بە دایکەکە دەڵێت:  هۆکارەکانی بریتیە لە کێشەکانی منداڵدان، تێکچونی هۆرمۆنەکان، کێشەکانی مەینی خوێن و نەخۆشییە بەرگری و رۆماتیزمیەکان.
 
هەروەک لە هۆکارەکانی پەیوەست بە کۆرپەلە ئاماژە بە تێکچونی کڕۆمۆسۆمەکان و هۆکارە بۆماوەیەکان و کێشە زگماگیەکان دەکات. 
 
ئەو پزیشکە پسپۆڕەی ژنان و مناڵ بون ئامۆژگاری ژنان دەکات دوای سێمانگ لە لەبارچون دوبارە دوگیان ببنەوە و دەڵێت: ئاسایی لە دوای لە بارچون جەستەی ئافرەت پێویستی بە ماوەیەک هەیە تا دوبارە منداڵدان و ھۆڕمۆنەکان بچنەوە باری ئاسای خۆیان و بتوانن بۆ دوگیان بونێکی دیکە ئامادە بن کە ئەم ماوەیەش بە شێوەیەکی ئاسایی ٣ مانگە لە دوای لەبارچون.
 
 
 


ئەرشیفی نەوژین | دەربارە | پەیوەندی
Newjin.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 314,421     ژمارەی میوان 20