کۆمەڵگاکەیان "نەهی" لێکردن ئێستا لەسەر ئاستی جیهان خەڵات دەکرێن

2021/04/03    98 جار بینراوە
 
* نەوژین
 
دە ژنی یەمەنی بەربەستەکانی خێزان و کۆمەڵگە دەشکێنن بۆ گەشتن بە خەونەکەیان، روناکی دەگەیەنن بەئەو ماڵانەی تاریکی جەنگ باڵای بەسەردا ‏کێشاوە، لەسەر ئاستی جیهان خەڵاتکران بەمەش خێزانەکانیان و کۆمەڵگەی یەمەنی دوای روبەڕوبونەوەیان ئێستا رێز و ستایشیان دەکەن.‏
 
لە وڵاتێکی وەک یەمەندا کە برسی و هەژاری و شەڕێکی تاڵ زیاتر لە شەش ساڵە بەردەوامە، خەیاڵی 'ئیمان'ی بۆ کارەکەی نەگۆری کاتێک دوساڵ پێش ‏ئێستا بیری کردەوە کارەبا بۆ وڵاتەکەی دابینبکات.‏
 
ئیمان هادی، لە ساڵی (٢٠١٩)ەوە پرۆژەی "هاوڕێیانی ژینگە" لە ناوچەی‎ ‎عبسی لە باکوری رۆژئاوای سەنعای پایتەخت دەستپێکرد، کە شەش سیستەمی ‏وزەی خۆرە و تاکە سەرچاوەی کارەبای دەیان ماڵە لە چەند گوندێک.‏
 
 
ئیمان هادی، ٩ی ئازاری ٢٠٢١ لە باکوری رۆژئاوای یەمەن سەرپەرشتی وێسگەکەیان دەکات ‎وێنە: (‏AFP‏)‏
 
ئیمان، دەڵێت: ”ئێمە ١٠ هاوڕێ بوین بیرمان کردوە دەتوانین چیبکەین بۆ کەمکردنەوەی کاریگەریەکانی جەنگ لە وڵاتەکەمان کە ئێمە هەژارترین وڵاتین لە ‏نیمچە دورگەی عەرەبی“.‏
 
وێسگەکە لە سەرەتادا توانای دابینکردنی کارەبای بۆ ٢٠ ماڵ هەبو، بەڵام ئێستا ٤٣ ماڵ روناک دەکاتەوە.‏
 
وەستانەوە بەرامبەر رێگریەکان
 
کۆمەڵگەی لادێ بیرۆکەی ئەو ژنانەی لەدەرەوەی ماڵ کار دەکەن رەتکردەوەو پیاوانیش جەختیان لەسەر ئەوە کردەوە کە تەنیا رۆڵی ئەوان ژنی ‏ماڵەوەیە.‏‎ ‎
 
ئیمان، دەڵێت: ”ئێمە روبەڕوی چەندین زەحمەتی بوین لە گاڵتەکردن و رەتکردنەوەمان لەلایەن دایک و باوکمان و دواتر کۆمەڵگا، چونکە ئەوان ئەم ‏پرۆژەیەیان بە پاوانکاری ی پیاوان زانی و دەیان وت چۆن دەبێت ژن لە دەروەی ماڵ کاربکات“. لە درێژەی قسەکانی وتیشی: ”توشی زەحمەتی زۆر بوین، ‏بەڵام توانیمان ئەو بیرکردنەوە  بگۆڕین کە ژنان شوێنیان ماڵەوەیە،  بەوەش ئەوانەی روبەڕومان بونەوە ئیشتا  پێزانین و رێزیان هەیە بۆ کارەکەمان“.‏
 
 
ئیمان هادی و هاوکارانی لە وێسگەکەیان ٩ی ئازاری ٢٠٢١  لە باکوری رۆژئاوای یەمەن ‎وێنە: (‏AFP‏)‏
 
لە بێبەری کردنی کۆمەڵگەوە بۆ باشترینی جیهان
 
ئیمان، (٣٦) ساڵ، لە لیستی بی بی سی(‏bcc‏) وەک یەکێک لە ١٠٠ ژنە هەرە ئیلهامبەخش و کاریگەرەکانی جیهان بۆ ساڵی ٢٠٢٠ هەڵبژێردرا وەک ‏ژنێک لە ناو بەربەستەکان توانیی ببێتە بازرگان.‏
 
ئەو پلانی درێژخایەنی هەیە کە خزمەتگوزاریەکەی بگەیەنێت بە(٣٠٦٠ ) ماڵی هەرێمەکەیان.‏
 
لە ساڵی (٢٠١٤)ەوە، لە شەڕی ناوخۆی ئەو وڵاتە و دەستێوەردانە دەرەکیەکان دەیان هەزار کەس کوژراون و برینداربون بەشیوەیەک نەخۆشخانەکانی ‏وڵاتیش کارەبانەکانیان لەناوچو، هەندێکیان بە روناکی مۆم کارەکانیان دەکرد، ئەمە لەکاتێکدایە بەر لە ململانێکە تەنیا نزیکەی دو لەسەر ‏سێی یەمەنییەکان پەیوەست بون بە تۆڕی کارەبای گشتیەوە.‏
 
لە ناو بێ هیوایی ئەو وڵاتەدا، تۆڕی وزەی خۆر لە سەربانەکانی شار و گوندەکانەوە دەستی بە دەرکەوتن کرد، بەکردنەوەی دەرگا بەڕوی چارەسەرێکی ‏جێگرەوە بۆ گەیشتن بە کارەبا لە ناو جەرگەی شەڕدا.‏
 
 '‏‎ UNDP‏'‏‎ ‎یەکێتی ئەوروپاوە پشتگیریان دەکات
 
بە وتەی نوێنەری '‏‎ UNDP‏' لە یەمەن، خەڵک ناتوانن خواردن بکڕن، دەستیان ناگات بە چاودێری تەندروستی یان پێداویستیە سەرەتاییەکانی دیکە، ‏بژاردەیەکی لەم شێوەیە کەبە خۆر کارەبا بۆ ناوچە دورەکان دابینبکرێت ئەوا لە بارودۆخێکی زۆر خراپدا تروسکایەک هیوا دەبەخشنەوە.‏
 
پڕۆژە هاوشێوەکانی وێستگەی 'ئیمان' یارمەتی یەمەنییەکانی دا بۆ پاراستنی شێوەی ژیانی ئاسایی رۆژانە.‏
 
‏”سوپاس بۆ خوا، لە رێگەی ئەم وزەیەوە، لە بەیانییەوە تا ئێوارە، ئامێری شوشتن، ساردکەرەوە و ئامێری درومان هەمو کاردەکەن“. ئەمە قسەکانی ‏وەفیە نەجارە، کە یەکێک لە بەکارهێنەرانی  وێستگەکە.‏
 
خانمێک کە کارەبای وێسگەکەی ئیمان و هاوڕێکانیان بەکاردەهێنێت سەردانی کردون وێنە: AFP
 
پەیامی ئیمان، بۆ ژنانی یەمەن ئەوەیە کە ‏‎”‎‏هەستن بۆ ئەوەی بچنە دەرەوە بۆ گەیشتن بە خەونەکانیان“.‏
 
سەرچاوە: ئاژانسی هەواڵی‎ AFP
 


ئەرشیفی نەوژین | دەربارە | پەیوەندی
Newjin.net - 2021
دروستکراوە لەلایەن کۆمپانیای (کۆدتێك)ەوە
ژمارەی سەردان 89,779     ژمارەی میوان 34