* نەوژین

کاتژمێر ٥ـی ئێوارەی سبەی پێنجشەممە، قەڵای هەولێر بە رەنگی پرتەقاڵی روناک دەکرێتەوە، ئەمەش بە مەبەستی هۆشیارکردنەوەی هاوڵاتیان بۆ بەرەنگاربونەوەی توندوتیژی دژ بە ژن.

لەبارەی چالاکیەکە، جەمال رەسوڵ، بەڕێوەبەری هۆشیاری و راهێنان لە بەڕێوەبەرایەتی گشتی بەرەنگاربونەوەی توندوتیژی دژ بە ژنان و خێزان، بە نەوژینی راگەیاند: چالاکیەکە خۆی لە نمایشکردنی چوار وشە دەبینێتەوە کە دەمانەوێت خەڵک هۆشیاری و ئاگایی لێ وەربگرێت، ئەوانیش؛ توندوتیژی ئه‌لیكترۆنی, ئاشته‌وایی خێزانی, گێچه‌ڵی سێكسی و هێڵی گه‌رمی ١١٩ـن.
 
رونیشکردەوە: ئامانجمان لەم کارە هۆشیارییە بۆ چارەسەرکردنی جۆرە جیاوازەکانی توندوتیژی دژ بە ژنان.