* نەوژین
پیاوێک دوای ئەوەی لە سلێمانی ژنەکەی کوشت، لەلایەن هێزە ئەمنییەکانەوە لە گەرمیان دەستگیرکرا.
بەڕێوبەرایەتی گشتی ئاسایش- سلێمانی، بڵاویکردەوە: ئێوارەی دوێنێ (٢٠٢٥/٨/٢٧)، لەگەڕەکی راپەڕینی شاری سلێمانی، بەهۆی کێشەی کۆمەڵایەتیەوە، ژنێک لەلایەن مێردەکەیەوە کوژرا، دواتر بکوژەکە هەڵهاتوە.
باس لەوەشدەکات بەبڕیاری دادوەری لێکۆڵینەوە بەدواداچونیان بۆ دۆزینەوە و دەستگیرکردنی تۆمەتبارەکە دەستپێکردوە و توانیویانە لە بازگەی (ساڵح ئاغا)ـی سنوری ئیدارەی دەستگیربکرێت.
قوربانییەکە کە تەمەنی ٢٥ ساڵە، دانیشتوی ئیدارەی راپەڕینە و بۆ سەردانی کەسوکاری هاتوەتە سلێمانی و لەلایەن هاوسەرەکەیەوە بەر فیشەک دراوە و بەوهۆیەوە گیانی سپاردوە.
نوێترین
زۆرترین بینراوەکان
