دەستەی مافی مرۆڤ: کارەکانی ژنان لە کوردستان مایەی شانازیمانن بەڵام هێشتا دەکوژرێن ‏

2021/03/08    641 جار بینراوە
 
* نەوژین
 
دەستەی سەربەخۆیی مافی مرۆڤ ٨ مارس پیرۆزدەکات لە ژنان و رایدەگەیەنێت، له‌ ئیستادا ئافره‌تان به‌شداریه‌كی راسته‌قینه‌یان هه‌یه‌ لە حوكمڕانی و ‏جێ ده‌ستیان دیاره‌ و هه‌میشه‌ كاره‌كانیان مایه‌ی شانازی یه‌ بۆخۆیان و بۆ میلله‌ته‌كه‌یان، لەگەڵ ئەوەشدا هێشتا دەکوژرێن و ئەشکەنجە دەدرێن.‏
 
 
دەستەی سەربەخۆی مافی مرۆڤ، دەڵێت: ئه‌م یاده‌ پیرۆز ده‌كەین له‌هه‌مو ئافره‌تان، هیوادارین بگەن بە مافەکانیان، هاتنە پێشەوەیان له‌كایه‌ی سیاسی ‏وئیداری و حوكمڕانی نیشانه‌ی زیندویی كۆمه‌ڵگه‌یه‌، لە هەرێمی کوردستان ئافرەتان هه‌نگاوی باشی ناوه‌و له‌ ئیستادا به‌شداریه‌كی راسته‌قینه‌یان هه‌یه و ‏جێ ده‌ستیان دیاره‌ له‌پێشخستنی كۆمه‌ڵگا و هه‌میشه‌ كاره‌كانیان مایه‌ی شانازی یه‌ بۆخۆیان و بۆ میلله‌ته‌كه‌یان‎.‎
 
 
هاوکات هەر لە راگەیاندراوەکەیاندا ئاماژەیان بە باردۆخی ژنان کردوە بە هۆی بەردەوامی توندوتیژیەکان: له‌كاتێكدا ئه‌و یاده‌ ده‌كه‌ینه‌وه‌ هێشتا ئافره‌تان ‏ده‌بنه‌ قوربانی هه‌ندێ كه‌لتورو بیركردنه‌وه‌ی دواكه‌وتویی كۆمه‌ڵگه‌و جیاوازی یان به‌رامبه‌ر ده‌كرێ و هه‌ندێ جار ده‌كوژرێن وئه‌شكه‌نجه‌ ده‌درێن، هه‌رچه‌نده‌ ‏ئه‌و حاڵه‌تانه‌ به‌ژماره‌ كه‌مبن به‌ڵام كاریگه‌ریان زۆره‌ بۆ سه‌ر ره‌وشی ئافره‌تان، ده‌بێت هه‌مو هه‌وڵه‌كان چڕ بكرێنه‌وه‌ بۆ کۆتایی پێهنانیان به‌هیچ جۆرێك ‏ئه‌وانه‌ی ژن ده‌كوژن به‌ر لێبوردن و سوڵحی عەشایری نه‌كه‌ون وئازاد نه‌كرێن چونكه‌ ئه‌وانه‌ مه‌ترسین بۆ سه‌ر ژیان و مرۆڤایه‌تی‎.‎
 
 
لەبارەی چارەنوسی ئافرەتانی رفێندراوی ئێزیدی لەلایەن داعشەوە مافی مرۆڤی هەرێم داوادەکات كۆمه‌ڵگه‌ی نێوده‌وڵه‌تی و حكومه‌تی عێراق هاوکاربن بن بۆ ‏ئه‌وه‌ی  ئه‌وانیش شاد ببنه‌وه‌ به‌كه‌س وكاریان‎.‎
 


Newjin.net - 2024
ژمارەی سەردان 1,306,634     ژمارەی میوان 1058

دروستکراوە لەلایەن کۆمپانیای (کۆدتێك)ەوە