بەدانانی جوانی ستاندار قوڕمەکەن بەسەر کچەکانمان

2021/02/19    1236 جار بینراوە
 
* تافان حەمەخان، خاوەنەی براندی بای تاف
 
 
بۆچی زۆرینە جورئەتی ئەوەی نەماوە وێنەکانی بێ فلتەری سناپچات دابنێ؟ لەوانەیە ئەمە بە شتێکی بچوک ببینین بەڵام لە راستیدا ئەو فلتەرانە ‏کاریگەری زۆر لەسەر کەسایەتیت دروست ئەکەن، جاری وایە خۆشت ناناسیتەوە‎.‎
 
 
هەمو بەدوای بێ عەیبی ئەگەڕێین لە روخسارمان بەو ستانداردەی کە کەسانێکی تر دایان ناوە، رەنگە ئەوانیش لە بێ متمانەییان بە خۆیان ‏یاخود بۆ بازرگانی ئەو ستانداردە دابنێن ئەگینا جوانی کەی ستانداردی هەیە؟
 
 
مرۆڤ بەگشتی جوانییەکی سروشتی هەیە کە بە دەستکاری کردن زۆرجار جوانی و بەرائەتەکەی لەدەست دەدات، ئینجا (خاڵ، زیپکە، چاڵ، ‏پەڵە.... هیتر)،  نابنە هۆی لە دەست دانی جوانییەکەت تا بیشاریتەوە بە فلتەرێک کە هی خۆت نییە‎.‎
 
 
خۆشم رۆژانە رەنگە بەکاری بهێنم بەڵام نەوەک وەک مودمینێک، ئەمەوێت بڵێم با خۆمان بین.‏
 
 
ستاندارد بۆ جوانی دامەنێن و قوڕ مەکەن بەسەر ئەم هەمو کچە ناسک و تازە پێگەیشتوانە کە هەر لە دوی ئەوە بن چۆن جوانتر بن و خەڵک ‏بە جوانیان بزانێت و بەهاکانی تری ژیانیان بیر بچێتەوە نەزانن چۆن کەسایەتیان دروستبکەن، بەهێزبن بە خوێندنەوەو خۆ فێرکردن، چێژ بینین ‏لە ژیان و دەستبکەن بە دروستکردنی ئایندەی خۆیان‎.‎
 


Newjin.net - 2024
ژمارەی سەردان 1,306,733     ژمارەی میوان 90

دروستکراوە لەلایەن کۆمپانیای (کۆدتێك)ەوە