* نەوژین
سەرۆکی پەرلەمانی کوردستان، لە کۆنگرەیەکی رۆژنامەوانیدا رایگەیاند: ”تەنها لەبەر ئەوەی ژنێك سەرۆكی پەرلەمانە بۆیە ئەو هەمو رەخنەیە لەدەستەی سەرۆکایەتی پەرلەمان دەگیرێت ئەگینا خولەکانی دیکە چیان جیاوازبوە!؟“.
رێواز فایەق، سەرۆکی پەرلەمانی کوردستان، دوای گرژیەکانی دوێنێی هۆڵی پەرلەمان، لە کۆنگرەیەکی رۆژنامەوانی باسیلە روداوەکەکردو وتی: لە راستیدا نازانم بۆكس خەنجەرە یان چییە هێندراوەتە ناو پەرلەمان، نیگەرانم لەو دۆخە، داوای لێبوردن دەكەم لەوانەی زیانیان بەركەوتوە.
رێواز فایەق، لە پشکی یەکێتی رێکەوتی(١١/٧/٢٠١٩)، بە دەنگی ٧٢ پەرلەمانتار بە سەرۆکی پەرلەمانی کوردستان هەڵبژێردرا، بەمەش بوبە یەکەم ژن لە مێژوی پەرلەمانی کوردستان ئەو پۆستە وەربگرێت.
لە بارەی ئەو بۆچونانەی کە سەرۆكایەتیی ئەم خولەی پەرلەمان بە لاواز ناودەبەن لە کۆنگرە رۆژنامەوانیەکدا سەرۆکی پەرلەمان ئاماژەیبەوەکرد: خولەكانی پێشوی پەرلەمان چەند سەرۆكی حكومەت و وەزیریان هێناوە و متمانەیان لێوەرگرتوەتەوە، چ شتێكی جیاوازیان كردوە كە ئێمە نەمانكردبێت، تەنها لەبەرئەوەی ژنێك سەرۆكی پەرلەمانە بۆیە ئەو قسانە لەسەر دەستەی سەرۆكایەتیی دەكرێن.