* نەوژین
پۆلیسی دهۆک رایدەگەیەنێت ژنێک دوای ئەوەی لە هاوسەرەکەی جیادەبێتەوە پیاوەکە دەیکوژێت، ئەو کەسەشی کە تۆمەتبارە بە تاوانەکە دەستگیرکراوە.
هێمن سڵێمان، وتەبێژی پۆلیسی دهۆک لە بارەی روداوەکەوە بە نەوژینی راگەیاند: کاژمێر ١١ شەوی رابردو ئاگەدارکراینەوە لە بونی تەرمی ژنێک کە گەشتینە ئەوێ دەرکەوت ماوەی ٣ رۆژە بە فیشەک کوژراوە.
وتیشی: ژنەکە تەمەنی ٢٢ ساڵەو ماوەی دو مانگە لە هاوژینەکەی جیابوەتەوە بە هۆی نەگونجان و کێشەی نێوانیان.
وتەبێژەکەی پۆلیسی دهۆک ئاشکرایکرد دوای ٢٤ کاتژمێر لە دۆزینەوەی تەرمی ئەو ژنە توانیواینە هاوژینەکەی دەستگیربکەن کە بە پێی بەڵگەکان تۆمەتبارە بە تاوانەکە و دانیشتوی قەزای سمیمێلن.
ئەمە لە کاتێکدایە لە ماوەی ٢٤ کاتژمێری رابردودا ئەمە دوەم حاڵەتی کوشتنی ژنانە لەو پارێزگایە بەشێوەیەک دوێنی ئێوارە ت
ەرمی کچێکی ٢٠ ساڵ لە قەزای ئاکرێ دۆزرایەوە کە بەهەمان شێوە ئاسەواری فیشەک بە جەستەیەوە بوە بکوژەکەشی تا ئێستا دەستگیرنەکراوە.