نەوژین – پەرژین کامەران
دوای تێپەڕبونی حەوت ساڵ بەسەر کۆمەڵکوژی ئێزیدیەکان لە لایەن چەکدارانی داعش بەڕێوبەری گشتی کاروباری ئێزیدییەکان لەوەزارەتی ئەوقاف ئاشکرای دەکات نزیکەی ٣ هەزار کچ و ژنی رفێندرا لەو تاوانە چارەنوسیان نادیارە.
ئەمڕۆ حەوت ساڵ تێدەپەڕێت بەسەر کۆمەڵکوژی و جینۆسایدی کوردانی ئێزیدی کە هەزاران هاوڵاتی مەدەنی بونەقوربانی، تێیدا ژنان و کچان روبەڕوی قێزەونترین شێوازەکانی توندو تیژی سێکسی و دەرونی و بازرگانی پێکردن بونەوە.
خەیری بوزانی، بەڕێوبەری گشتی کاروباری ئێزیدییەکان لەوەزارەتی ئەوقاف رایگەیاند: لەماوەی حەوتساڵی رابردودا، لە (٢٠١٤/٨/٣)ەوە تاوەکو( ٢٠٢١/٨/١) لە کۆی ٦هەزار ٤١٧ ئێزیدی رفێندراو، ٣هەزار ٥٥٥ ئێزیدی رزگاریانبوە، هێشتا ٢هەزار و ٧٦٣ ئێزیدی لەدەستی داعش ماون.
بەپێی ئەو ئامارەی بەڕێوبەرایەتی گشتی کاروباری ئێزیدییەکان، وردەکاری ئێزیدییە رفێندراوەکانی دەستی داعش بەم جۆرەیەکە: لە کۆی ئەو ٦٤١٧ رفێندراوە لەنێویاندا، (٣٥٤٨)کەسیان لەڕەگەزی مێن، لەکۆی (٣٥٥٠) رزگاربو ١٢٠٦ کەسیان ئافرەتن.