* نەوژین
پاش ئەوەی لە ناو هۆڵی پەرلەمانی وڵاتی تونس هێرش کرایە سەر پەرلەمانتارێکی ژن و توندوتیژییان بەرامبەر ئەنجامدا، نوێنەری نەتەوە یەکگرتوەکان لەو وڵاتە رایگەیاند دەبێت ئەم توندوتیژیە سیاسیە دژ بە ژنان کۆتایی پێبهێندرێت.
ئارنو بیرال، نوێنەری نوسینگەی نەتەوە یەکگرتوەکان لە تونس، لە بەیانامەیەکدا رایگەیاند:نیگەرانین توندوتیژییەکان بەرامبەر بە پەرلەمانتار عەبیر موسا تادێت زیاد دەبێت، ئێمە لە نەتەوە یەکگرتوەکان بەرامبەر هەر کارێکی توندوتیژی سیاسی دەوەستینەوە کە بەرامبەر بە ژنان ئەنجام بدرێت، چ جەستەیی بێت یان زارەکی، ئەمە پێشێلکردنی مافەکانی مرۆڤە لەگەڵ ئەوەشدا هەڕەشەیە بۆسەر دیموکراسی ژنان.
ئەم بەیانامە دوای ئەوەدێت رۆژی (٣٠/٦/٢٠٢١) لەلایەن دو پەرلەمانتارەوە لە ناو هۆڵی پەرلەمانی وڵاتی تونس هێرشکرایە سەر ژنە پەرلەمانتار عەبیرموسا.