* نەوژین
دوای شەش مانگ لە هەڵهاتنی بکوژی دو خوشکەکەی چەمچەماڵ کە دەکاتە باوکیان، ئەمڕۆ خۆی رادەستی پۆلیسی چەمچەماڵ کردو لە بەردەم دادوەر دانی بە تاوانەکەیدا ناوە.
بەڕێوەبەرایەتی پۆلیسی پارێزگای سلێمانی راگەیاند: لەژێر فشاری هێزەكانی بەشی پۆلیسی چەمچەماڵ، بكوژی دو خوشكەكەی چەمچەماڵ كە باوكی دو كچەكەیە، خۆی رادەستی هێزەكانی پۆلیس كرد.
دوای ئەوەی لەسەرەتای مانگی ئەیلولی ٢٠٢٠، دو خوشك لەقەزای چەمچەماڵ كوژران، بەتۆمەتی كوشتنی كچەكان دادوەری لێكۆڵینەوە بڕیاری دەستگیركردنی بۆ باوكی كچەكان دەركرد، بەڵام تۆمەتبار بۆ شوێنێكی نادیار هەڵاتبو.
پۆلیسی سلێمانی دەشڵێت: تۆمەتبار (ف، ح، ش) لەبەردەم دادوەری لێكۆڵینەوەدا دانی بەتاوانەكەیدا ناوەو لەئێستادا بەبڕیاری دادوەر راگیراوەو لێكۆڵینەوەكان لەگەڵیدا بەردەوامە.
لەم
لینکەوە زانیاری لەسەر چۆنیەتی روداوەکە بخوێنە کە دوای شەش رۆژ لە دیارنەمانی 'ئاوارەو هێلین' چۆن تەرمەکانیان لە چاڵێکدا دەدۆزرێتەوە.